8.9 C
Ohrid
сабота, април 20, 2024
ПочетнаМакедонијаМинистерот Спасовски на 80 години од формирањето на КПМ во Тетово: Светол...

Министерот Спасовски на 80 години од формирањето на КПМ во Тетово: Светол датум кој е непобитен доказ за самосвеста на македонскиот народ

Денеска, (19.03.2023), во Тетово, министерот за внатрешни работи Оливер Спасовски присуствуваше на одбележувањето на јубилејни 80 години од формирањето на Комунистичка партија на Македонија, во спомен куќата на семејството Јовановци која е денешен Меморијален музеј на ЦК на КПМ, а во организација на Општинската организација на Сојузот на Борци од Тетово во соработка со Национална Установа „Музеј на тетовскиот крај”.

Обраќајќи се пред присутните, министерот Спасовски го истакна значењето на историската куќа на семејството Јовановци која и по 80 години ја чува историјата на големите одлуки кои беа донесени на 19 март 1943, со кои е конституиран Централниот Комитет на Комунистичката партија на Македонија.
„Овој светол датум претставува и непобитен доказ за самосвеста на македонскиот народ, за силната и непоколеблива волја, победничкиот морал и слободарски дух на припадниците на партизанското движење на Македонија, изразен со високата политичка свест на борците и на населението за постигнување на крајната цел – создавање македонска држава”, истакна министерот Спасовски.

Спасовски во свое и во име на МВР ја изрази почитта и благодарноста кон сите членови на Сојузот на борци од Народноослободителната антифашистичка војна на Македонија, честитајќи го денешниот голем јубилеј – 80 години од формирањето на Централниот комитет на КПМ.

Овие големи датуми, но и хероите присутни тука, нè потсетуваат дека слободата никому не му е подарена, а визијата на секој лидер е да ја чува и негува татковината, да ги носи вистинските одлуки во вистинско време за доброто на својот народ, за својата држава, почитувајќи ги слободарската традиција, херојската историја и идејата на антифашизмот. Тоа бил и останува нашиот вистински пат!”, заврши министерот Спасовски, упатувајќи желби што поскоро големите датуми од нашето минато, од нашата крвава антифашистичка историја да ги одбележуваме со комплетно исполнети стратешки определби, наши и на нашите предци, во модерна демократска држава со европски вредности.

Од страна на претседателот на Сојузот на борци од Народноослободителна антифашистичка војна на Македонија 1941-1945 и граѓани продолжувачи, д-р Никола Стојановски, беше изразена благодарноста за организацијата на одбележувањето на овој значаен датум.

Благодарен сум што денеска сум тука со вас, да се потсетиме што било пред 80 години, кога ја створивме македонската држава. Да се потсетиме на борбата која ја водевме заедно, сите народности. Државата ни е тука – да се бориме да ја сочуваме!”, рече претседателот Стојановски.

На крајот од настанот министерот Спасовски положи цвеќе пред бистата на Јосип Броз Тито во дворното место на спомен куќата на семејството Јовановци. Притоа, тој ја посети и спомен собата каде е формирана Комунистичката партија на Македонија и избран нејзиниот Централен комитет, при што се потпиша во Книгата за впечатоци – „Во чест на денот на формирањето на КПМ и 80 години опстојување на идејата за слобода, правда и рамноправност. Никогаш да не се заборават придобивките на антифашизмот. Да не се заборават темелите на македонската државност”, напиша министерот Спасовски во Книгата за впечатоци во спомен куќата на Јовановци од Тетово.

spot_img
spot_img
ПОВРЗАНИ СТАТИИ

Најпопуларни

Повеќе постови

Маричиќ до тетка Верица: Како ќе растат внуците, така и пензиите ќе растат !!

Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел...

Повторно го згрешивме знамето: Македонската армија и се заблагодари на Норвешка со знаме на Исланд

Македонската армија преку Фејсбук и се заблагодари на Норвешка, но го згреши знамето, па го искористи тоа на Исланд. „Моторните возила од Кралството Норвешка веќе...

Рибар во албанскиот дел на Охридското Езеро улови коран тежок 13,2 килограми

Рибарот Ylli Jaçellari во албанскиот дел на Охридското Езеро успеа да улови пастрмка – коран тежок 13,2 килограми. Тој е 45-годишен лиценциран риболовец од Уденишт,...

Боки 13 тврди дека Камчев и Русковска знаат каде е милионот од Луи Витон торбата од „Рекет“

Бојан Јовановски во јавноста познат како Боки 13 денес на прес-конференција пред Основниот кривичен суд Скопје рече дека бара фер, а не хистерична и...