Агенцијата за млади и за спорт (АМС) ќе се припои кон Министерството за политички систем и односи со заедниците, се пофали на „Топ тема“ првиот вицепремиер Артан Груби, кога гостуваше во телевизијата „Телма“.
На државата очигледно не и е грижа во која насока се развива македонскиот спорт. Поминаа многу години од осамостојувањето на државата спортот да добие свое министерството. Проф. д-р Георги Боев беше првиот и единствен министер за млади и за спорт, кој беше дел од владиниот кабинет на тогашниот премиер Љубчо Георгиевски. Подоцна, Министерството стана државна Агенција, а сега ќе биде дел од Министертвото за политички систем и односи со заедниците.
Груби во интервјуот на „Топ Тема“ го потврди тоа што од јуни се шпекулира за претопувањето на АМС, откако беше запрашан за спортувањето со дел од колегите во неговиот кабинет и спортските реквизити кои ги добил од федерациите.
Голчето ми се подарок од Фудбалската федерација на Македонија, исто така и топката. Баскетот ми е донација од Перо Антиќ од претседателот на Кошаркарската федерација. Ракометната топка е од Наумче Мојсовски, директорот на Агенцијата за млади и спорт. Значи се се тоа донации од државни институции, затоа што со предлогот за реорганизација на органите на државната управа, кое што го предлага Министерството за инфоерматичко општество се предвидува Агенцијата за млади и спорт да биде дел од Министерството за политички систем, кое ќе прерасне во министерство кое ќе ги претставува интересите на сите етнички групи, на млади, спорт, на невладини итн, рече Груби.
АМС и директорот Мојсоски неодамна се најдоа на удар на антикорупциската комисија со обвиненија за криминал околу доделувањето на спортските ваучери.
