Оваа сезона цените на хотелските услуги ќе бидат повисоки околу 30%. Тоа се должи на поскапувањето на сите производи, енергенсите, а најмногу на повисоките плати на персоналот. И покрај порастот на цените, според ХОТАМ земјава останува најевтина дестинација во регионот.
Оваа сезона цените на аранжманите во хотелите на брегот на Охридското Езеро ќе бидат повисоки за над 30%.
Тоа се должи на поскапувањето на сите производи, енергенсите, а најмногу на повисоките плати за персоналот. Замрзнувањето на цените на дел од прехрамбените производи нема да ги намали цените на услугите во хотелскиот сектор, велат од ХОТАМ.
И покрај поскапувањето на хотелските услуги, земјава останува најевтина дестинација во регионот.
Уште стоиме како една поевтина дестинација. Покрај сите поскапувања кои ги имаме на Балканот сме уште една од поевтините дестинации. Нема повеќе 20 и нешто евра за ноќевање, туку е 30 и нешто евра, а некаде и повеќе – вели Крсте Блажески претседател на ХОТАМ.
Но кога сме кај паркингот во Охрид, хаосот кој со децении трае повторно ќе биде актуелен за жал и оваа година. И покрај малиот број на паркинг места низ Охрид цената навистина е вртоглава, за 24 часа во центарот на Охрид ќе ви требаат 2.400 денари-но се разбира може да поминете и со помалку пари ако паркирате во непосредна близина, па за таму ќе ви требаат за 24 часа 960 денари. Со ваквата одлука на советот на Општина Охрид граѓаните стануваат туристи во сопствениот град.
Додека во останатите градови Недела е неработен ден па туристите и останатите граѓани не плаќаат пари за паркинг услугите, тоа правило за Охрид не важи !!!!!
