УФЦ борецот Џордан Џонсон пристигна во Скопје кој е ексклузивен гостин на Боречкиот клуб Олимпија од Штип. Американецот Џонсон беше пречекан од директорот на БК Олимпија, Методи Сичков. Џордан од 3 до 6 мај ќе одржи семинар во Штип, пренесува ipon.mk.
Џонсон има 12 победи во ММА (2 КО/ ТКО, 4 завршница и со 6 одлука) и 2 порази (1 КО/ТКО и 1 со одлука). Настапува во ПФЛ, УФЦ, РФА .
„Џонсон ќе одржи 4 т.н. клиники, во кој ќе одржи промотивни тренинзи на база на семинар, со цел согледување на потенцијалот, но и промоција на овој спорт кај младите. Имајќи предвид дека станува збор за еден од најпрестижните, но и најмасовно поддржуваните боречки спортови во светот, ова ќе претставува одлична можност не само за штипјани, туку и за сите млади од земјата. Со оглед на тоа дека основниот спорт во кој Џонсон ја започнува својата кариера е борењето, БК Олимпија ќе биде негов домаќин, не само за овој настан, туку и за идните ангажмани кои во перспектива ги има Џонсон, во наштата земјата и во Источна Европа. За таа цел Олимпија, која е домаќин на Џонсон, има чест да ги покани сите млади спортисти од боречките спортови, борење, џудо, бокс, карате, К1 и слично, кои се заинтересирани да одржат тренинг со Џонсон“, велат од БК Олимпија.
Трошоците за присуство на овие тренинзи на база на семинар и се на товар на БК Олимпија
„Сите заинтересирани спортисти од боречките спортови борење, џудо, бокс, карате, К1кои сакаат да се запознаат со боречките вештини на овој голем спортист и да учествуват на тренинзите со Џонсон да се пријават во БК Олимпија. Тренинзите ќе се одржат во спортската сала „Славејко Арсов““ истакнуваат од штипскиот клуб.
Планот и програмата ке се одвива по следниот редослед:
На 3 мај 10:00-17:00 часот (Македонија/ Штип) еволуција-состанок со градоначанлик на Штип Иван Јорданов;
На 5 и 6 мај борачки активонсти во Штип и состаноци;
На 6 мај 10:00-17:00 часот (Штип) еволуција, борачки активности.
