Претседателот на Србија, Александар Вучиќ, уште еднаш повтори дека сторителите на злосторствата во училиштето „Владислав Рибникар“ и во Младеновац нема да го видат светлото на денот, односно дека ќе останат во затвор до крајот на животот.
„Протести бараат тие кои бараат од нас веднаш да го ослободиме детето-монструм и да го вратиме кај родителите, дека се е во ред, па следен пат повторно да го стори истото. Јас мислам дека сериозна држава не смее да дозволи да ги толкуваме законите вака или така, правниците нека се занимаваат со тоа“, изјави Вучиќ за РТС.
Освен симнувањето на границата за кривично-правна одговорност од 14 на 12 години, претседателот на Србија рече дека ќе разговара со стручни лица и здруженија за да може да се види што може да се направи.
