Жителите на Градишка, БиХ, ги шокираше несекојдневна сцена кога пијан маж целосно се соблекол, легнал на патот и симулирал пливање.
За овој настан вчера се огласи и полицијата, која соопшти дека мажот од Градишка чии иницијали се Н. В. е уапсен откако легнал на коловозната лента, пишува „Српскаинфо“.
При тестирањето, нивото на алкохол во крвта му било 1,42 промили.
Во полиција вчера во 17 часот и 30 минути било пријавено дека на улицата „Видовданска“ во Градишка, непознат маж лежи гол на улица.
„Уапсениот, кој се сомничи дека го нарушил јавниот ред и мир и се движел под дејство на алкохол на улица, ќе биде изведен пред Основниот суд Градишка за понатамошна постапка“, се наведува во соопштението.
Снимката од голиот маж како трча по главната улица во Градишка брзо се прошири на социјалните мрежи.
