Сообраќајот на регионалниот пат Охрид-Свети Наум кај селото Љубаниште сѐ уште се одвива со наизменично пропуштање на возилата, соопшти денеска Авто мото сојузот на Македонија (АМСМ). Синоќа овој дел го зафати невреме со дожд и град кое предизвика свлечиште на овој патен правец.
Раководителот на Регионалниот центар за управување со кризи Митко Темелкоски вчера посочи дека лизгањето на земјиштето настанало од краткото невреме со интензивни врнежи од дожд, кои нанеле големи количини земја и камења.
„Поради голема количина вода во кратко време, излеани се земја и поситни камења на патот“, изјави вчера Темелкоски.
Силно невреме со дожд и град синоќа предизвика свлечиште на регионалниот пат Охрид – Свети Наум, кај селото Љубаништа.
По неколкучасовна интензивна работа наносот од земја на патот Охрид – Св. Наум е расчистен.
Досега, официјално, нема пријавено штета, освен реакции од граѓани за прекин во снабдувањето со електрична енергија.
Фото: Охридњуз
