10.9 C
Ohrid
петок, април 4, 2025
ПочетнаМакедонијаМеџити откако го разреши Д-р Јовев: Нема да има повеќе директори кои...

Меџити откако го разреши Д-р Јовев: Нема да има повеќе директори кои немаат никаков резултат

spot_imgspot_imgspot_imgspot_img
spot_img

Министерот за здравство Фатмир Меџити одговарајќи на новинарско прашање за разрешувањето на директорот на Универзитетската клиника за кардиохирургија проф. д-р Сашко Јовев денеска изјави дека секогаш кога ќе има нерегуларности во работењето тој ќе постапи исто.

<

-Веќе нема да има директори кои седат и спијат по пет или по десет години, немаат никаков резултат и затоа здравството е во ваква амортизирана состојба. Секогаш кога ќе има нерегуларности во работењето и во се друго, јас вака ќе постапам. Ова е само почеток, ќе видите дека некој нема да седи шест месеци, ќе поднесе извештај за тоа што има сработено, рече Меџити.

Тој рече дека Јовев е кадар на коалицискиот партнер СДСМ и оти тие треба да предложат друго име.

-Овие се транзиторни, минливи позиции и функции. Нема некој засекогаш тука, бесмртен да биде, ниту јас ниту некој друг, ниту директорите, нагласи Меџити по промоцијата на новата онлајн услуга: електронска регистрација на новороденче.

Меџити денеска го разрешил д-р Јовев, која ја предводеше првата трансплантација на срце во земјава.

Министерот за здравство упати пофаба за работата, функционирањето и доброто менаџирање во Специјалната болница за гинекологија и акушерство „Мајка Тереза“-Чаир.

Одговорајќи на новинарско прашање за смртните случаи со Битолската болница, Меџити изјави дека Министерството за здравство и неговиот Кабинет од почеток биле, како што рече, многу транспарентни за оваа тема во Битола, но тоа сега е во друга надлежност.

– Тоа веќе е во надлежните институции, во Обвинителството и ние тука не смееме ништо да кажуваме, повтори Меџити.

Прашан колку кадар се вработи во Битолската болница и колку реорганизации се направени, Меџити изјави дека по Ковид пандемијата и по економската криза во државата, сите барања се пренасочено во Министерството за финансии.

-Чекаме одговор од таму и не стоиме со вкрстени раце. Пак побарав, ќе има и една посебна седница на Влада за која ќе разговараме токму за здравството и за овие вработувања. Не седиме така, работиме многу, ќе бараме, но, тоа не зависи од нас и од мене како министер. Тоа што ми е пратено како молба, како барање, како потреба за вработувања, за тоа и денеска дискутиравме. Ако некој доаѓа со договор на дело, може да е шест месеци и потоа по автоматизам да добие решение за работа, а не да седи по пет-шест години или десет години, образложи министерот за здравство. Додаде дека затоа бараат законски можности и промена на закон.

Потенцира дека затоа побарал посебна седница на Влада за да се зборува токму за вработувањата во здравството.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Нема цијанид во Крива река, утврди државниот инспекторат за животна средина

Државниот инспекторат за животна средина утврди дека нема цијанид во водата на Крива река во Паланка, потврди директорката на инспекторатот, Ивана Гиновска на денешната...

Обвинителството ќе ја запре истрагата против Александар Карадаковски, управител на т.н. кабаре во Кочани

Јавното обвинителство денеска одржало стручен колегиум, кој започнал со едноминутен молк во знак на почит кон настраданите во трагедијата во Кочани, на кој обвинителскиот...

Газда на „Поршето“ во Дебар маало е ексамбасадорот Срѓан Керим

Поршето паркирано во Дебар маало не е на полицаец, туку е во сопственост на Срѓан Керим, ексминистер за надворешни работи, амбасадор на Македонија во...

МВР: Санкциониран возачот С.К кој непрописно го паркирал возилото, внатрешната контрола при МВР го испитува случајот

Во врска со видеото на социјалните мрежи на кое се гледа непрописно паркирано возило со скопски регистарски ознаки на територија на Дебар Маало во...