Еџевит Окузџу е жител на турски град на брегот на Црното Море, кој веќе 24 години ја посетува истата автобуска станица со надеж дека повторно ќе ја сретне својата изгубена љубов.
Човекот, познат како Вљубениот Еџевит, ја запознал жената од соништата на автобуска станица пред 24 години. Нивната љубовна приказна ненадејно ја прекинала трагедија. На Еџевит му била дијагностицирана болест поради која постепено го губи видот.
Испробал бројни третмани, но ниту еден од нив не успеал, а неговата љубов решила да се пресели во Истанбул, оставајќи го сам.
Иако никогаш не се вратила, Еџевит се уште се надева дека повторно ќе ја сретне на истото место каде што ја сретнал тогаш.
Тој нема семејство и живее во контејнер што му го подарил сограѓанин, а деновите ги поминува чекајќи ја изгубената љубов на автобуската станица која мештаните ја нарекуваат Станица на вљубениот Еџевит.
