МВР гледа можност да се провери како внукот на Ахмети станал сопственик на дел од Соравија. Министерот гледајќи во обвинителството рече дека има начин да се следи текот на парите.
Повик до Обвинителството да отвори истрага денеска упати и опозицијата.
Сите што имаат докази за криминал, вклучувајќи го и МВР да поднесат кривична пријава, врати Обвинителството.
Доколку органите надлежни за откривање на кривични дела и контрола на финансиските текови (Управата за финансиска полиција, Единицата за финансиски истраги при МВР, Управата за јавни приходи или др.) постапат и достават известување или пријава, обвинителството ќе постапи согласно своите законски надлежности. Инструментот на допрен глас се користи доколку во конкретниот случај постојат сериозни индиции или наводи за сторен криминал или кога органите надлежни за откривање кривични дела не постапуваат согласно своите надлежности. – велат од Обвинителството за Сител.
Од таму додаваат дека се уште трае истрагата за постапувањето на обвинителите во случајот Мерко. Истрага за овој случај има и меѓу судиите каде се проверуваат локалните основни и апелациски судови.
Мерко е само дел од скандалите кои создаваат грижи во Мала Речица во последните десетина дена особено откако медиумите го објавија случајот Ахмети обелоденувајќи дека покрај синот кој е влезен во бизнисот со струја, едниот внук на лидерот на ДУИ си купи лусксузен деловен објект во центарот на Скопје, а другиот, на чуден начин беше испратен во дипломатска мисија во Брисел.
