7.4 C
Ohrid
петок, април 4, 2025
ПочетнаМакедонијаГазди на популарни локали во центарот на Скопје криумчареле луксузни возила

Газди на популарни локали во центарот на Скопје криумчареле луксузни возила

spot_imgspot_imgspot_imgspot_img
spot_img

Газди на два популарни угостителски објекти во центарот на Скопје и двајца сопственици на мобилара се меѓу уапсените лица во денешната акција што ја спроведе Министерството за внатрешни работи, а обвинителството отвори истрага за криумчарење на луксузни автомобили.

<

Ова се засега неофицијални информации кои не се потврдени од ниту една институција. Обвинителството соопшти дека се води истрага за 20 лица, 18 се уапсени, а петмина се службеници во МВР.

Тие во текот на 2021 и 2022 година, организирале и учествувале во пренесување на патнички моторни возила избегнувајќи ја царинската контрола како непријавена стока во вкупна вредност од големи размери, употребувале лажни јавни исправи како вистинити за да ги регистрираат автомобилите, по што ги продавале возилата за кои знаеле дека се предмет на кривично дело.

Автомобилите, од кои најголем дел биле предмет на меѓународни потраги, се набавувале во различни европски земји и внесувале во земјава со променети идентификациски броеви на шасиите и со фалсификувани документи за да им се прикрие потеклото. Потоа осомничените службени лица од МВР вршеле регистрација на возилата врз основа на лажна документација.

Со цел да се прикријат трагите, автомобилите меѓусебно ги препродавале по неколкупати за краток временски период, по што трајно ги оттуѓувале на физички и правни лица во државава. Во текот на постапката обезбедени се докази за внес и препродажба на 14 вакви автомобили и еден мотор, со вкупна првично проценета вредност од над 500.000 евра.

Основното јавно обвинителство Скопје поведе истрага против осум лица за продолжени кривични дела – Криумчарење, Прикривање на стоки кои се предмет на криумчарење и царинска измама, Компјутерски фалсификат и Фалсификување исправи.

Јавниот обвинител до Основниот кривичен суд Скопје достави предлог за определување мерка притвор за осум осомничени за кои ќе се води истрага, додека за останатите се предложени мерки на претпазливост.

Уште 12 физички и едно правно лице се осомничени за кривични дела кои се гонат во скратена постапка. Меѓу осомничените се и пет службени лица – референти за управни работи во МВР.

По двете лице по кои се трага ќе биде предложена мерка притвор во отсуство.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Најниската плата во здравството се искачи на 27.000 денари, толку ќе земаат чистачите

Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот за здравствено осигурување, Сашо...

Поршето не било на Срѓан Керим, тој само го возел а двете лица кои биле обезбедување на претседелката Давкова кажале дека е службено при...

Срѓан Керим го возел „поршето“ кое било во сопственост на друго лице, велат од МВР Автомобилот марка „порше“ што го возел Срѓан Керим кога непрописно...

Дисциплинска постапка за двајца полициски службеници кои лажно тврделе дека возилото “порше” е службено

Дисциплинска постапка за двајца полициски службеници кои лажно тврделе дека возилото “порше” е службено Од страна на Одделот за внатрешна контрола, криминалистички истраги и...

Нема цијанид во Крива река, утврди државниот инспекторат за животна средина

Државниот инспекторат за животна средина утврди дека нема цијанид во водата на Крива река во Паланка, потврди директорката на инспекторатот, Ивана Гиновска на денешната...