Британската пејачка со албанско потекло Рита Ора настапуваше на младинскиот фестивал СЗИН во Сегед, каде на публиката ѝ приреди необично изненадување.
Рита Ора неколкупати беше тема на медиумите, а овојпат нејзиниот гест на концертот во Сегед беше протолкуван како непочитување кон косовските Албанци.
Пејачката во еден момент зела знаме кое ѝ било дадено од публиката со кое се покрила, но дури подоцна сфатила дека во прашање е српското, наместо унгарското знаме.
Синоќа, додека настапував на фестивал во Унгарија, добив знаме од млад обожавател. Поради светлината што директно ми одеше во очите на сцената, не можев јасно да видам која држава ја претставува знамето. Штом ја напуштив сцената, сфатив дека тоа е српското, а не унгарското знаме“, рекла таа и додала дека нема намера да не го почитува своето наследство и дека е горда косовска Албанка, пренесува „Вокс њуз“ (Vox New).
„Иако ги ценам сите мои обожаватели од сите земји и култури, сакам јасно да кажам дека сум горда Албанка од Косово и никогаш не ми беше намерата да не го почитувам своето наследство или да го вознемирам својот народ или своето семејство“, изјавила Рита Ора за „Клан Косово“.
