На 18.08.2023 година Струмичанка пријавила дека нејзиниот сопруг бил насилно турнат на семејна прослава од едно лице од оркестарот, односно неофицијално станува збор за пејачот Горан Кукич, при што старецот паднал и тешко се повредил.
Според полицијата, во СВР Струмица, Д.П.(74) од Струмица пријавила дека за време на семејна прослава на 18.08.2023 во угостителски објект во Струмица, нејзиниот сопруг Ѓ.П.(74) бил турнат од едно лице од оркестарот, по што паднал и се повредил.
Ѓ.П. бил пренесен во Општа болница Струмица, каде му биле констатирани тешки телесни повреди.
Од МВР известија дека се преземаат мерки за расчистување на случајот.
После месец дена се појави и видео на социјалната мрежа ТВИТЕР од немилиот настан. ВИДЕОТО МОЖЕ ДА ГО ПОГЛЕДНЕТЕ ТУКА Но како што може да се забележи и на самото видео, 74-годишниот старец прв приоѓа до пејачот при што се обидува да го турне со двете раце.
