Работата со * Македонија заврши. Како ‘македонско овошје’. Албанците ја презедоа државата. Со Охридскиот договор ја ставија структурата на државата под своја контрола. Албанци се претседателот на Парламентот, двајца заменици-претседатели на Владата, министерот за надворешни работи, претседатели на општини… Значи, Албанците ја зедоа државата, Грците им го зедоа името и тоа со насилство и уцени. Не им го отвораме патот за ЕУ и т.н. Србите им ја сакаат црквата, бидејќи не им ја признаваат, а Бугарите им го сакаат идентитетот. Што им преостанува на кутрите Македонци?“ – ова е одговорот што го даде Илир Кула од Албанија на прашањето „Како ја коментирате ситуацијата во * Македонија? Дали се навистина Албанците дел од раководењето во оваа држава?“, кое му беше поставено во рамки на подолгото интервју за емисијата „Инфофокус“, која се пренесува на медиумската платформа Инфовеб Медиа (Infoweb Media) од Албанија. Интервјуто со неговите видувања за Албанија, Косово и Балканот го пренесе информативниот портал на албански јазик „Алмакос“ од Македонија.
Илир Кула е експерт за безбедност, геополитички аналитичар. Тој е позната политичка личност во Албанија. Бил и државен политички советник на двајцата поранешни претседатели на оваа држава Илир Мета и Реџеп Мејдани.
На Илир Кула му беше поставено и прашањето: „Но, * Македонија наликува како да е поконсолидирана држава од Албанија?“.
Неговиот одговор гласеше: „Ова нешто треба да го видиме во иднина, а не денес и сега. Пред 30 години Албанците, кои сочинуваат 30 проценти од населението, не им се даваа ниту 1 процент од правата. Албанија и Косово не ѝ ја загрозуваат независноста на * Македонија. Албанците внатре во * Македонија не ја загрозуваат државата. Се виде што сторија Руската и Српската црква во Црна Гора. Речиси ја разбија државата. Црквата се користи како политички инструмнт во Црна Гора, Косово, во Боска и Херцеговина, во * Македонија. Бугарите треба да се покажат како потолерантни. Македонците го имаат своето право. Треба да се затвори оваа расправа. Однесувањата на Грција и Бугарија се целосно противевропски, а потоа тие ги обвинуваат овие за национализам. Некогаш * Македонија беше најсиромашната република во Југославија.“
Покрај овие свои ставови за Македонија и македонскиот народ, Илир Кула во споменатото интервју изнесе мислење и дека „трговијата, туризмот, културата водат кон обединување на Албанија и Косово, бидејќи тоа е нивно заедничко одредиште, а по 10-20, или за 50 години тоа обединување ќе се случи природно“.
