10.9 C
Ohrid
сабота, февруари 24, 2024
ПочетнаМакедонијаРазговарајте со семејството за донирање на органи !!!

Разговарајте со семејството за донирање на органи !!!

Во Македонија оваа година досега се направени 15 трансплантации на бубрези од кои 11 се од жив и 4 од починат дарител, вели Душко Ѓоргиев, претседател на Здружението на бубрежно болни граѓани Нефрон, во пресрет на 7 Октомври, Европскиот ден на органодарителство. Лани се направени 22 трансплантации на бубрези, од нив 12 се од жив и 10 од починат дарител.

„Еден дарител може да спаси 8 животи со донација на органи, а да спаси или подобри живот на повеќе од 100 лица со ткивна донација. Во текот на октомври и ноември ќе се организираат поинтензивни и зголемен број активности за подигнување на јавната свест за дарување органи и трансплантација. Европскиот ден за донирање органи, ткива и клетки (ЕДД) има за цел да ја подигне јавната свест за потребата од органи, ткива и клетки и промовирање на принципот на доброволно дарување со цел да се спасат човечки животи“, вели Ѓоргиев.

Според податоците на Нефрон, лани во земјите на Европската Унија (ЕУ) 36 илјади пациенти добиле орган преку трансплантација, а 41.000 нови пациенти се запишани на листите за чекање. Во 2022, во Европа во просек умирале по 20 пациенти дневно додека чекале за трансплантација .

„Разговарајте на темата со вашите семејства. Висок процент на семејства (до 40%) одбиваат да дадат согласност за донација бидејќи не ја познаваат желбата и одлуката на починатиот. Доволно е само да донесеш одлука за дарителство и јасно да ја изразиш, кога семејството ќе ја знае твојата одлука ќе може да ја исполни и твојата желба. Сите традиционални верски заедници во Македонија го поддржуваат доброволното дарување органи и ткива, сметајќи го тоа за чин на хуманост и личен избор. За потребите на Здружението Нефрон ги контактиравме“, апелира Ѓоргиев.

Денеска во Европска куќа во Скопје се одржа панел дискусијата „Градење функционален систем за дарување органи и трансплантација“, со евроамбасадорот Дејвид Гир, министерот за здравство Фатмир Меџити, националната координаторка д-р Маја Мојсова-Мијовска и Даница Авсек, тим лидер на проектот на ЕУ „Поддршка на системот за трансплантација“.

Процесот на трансплантација од починат дарител во Македонија започна во 2015 по донесените законски измени кои ја дефинираат оваа материја. Најголем напредок е направен во 2020 со започнување на мултиорганската трансплантација или трансплантацијата на повеќе органи од еден дарител. Таа година беше направена и првата трансплантација на срце, следната се направени првите трансплантации од коскени ткива, а минатата за првпат беше направена трансплантација на црн дроб. За период од 3 години, 19 семејства дале согласност за донирање и трансплантирани се 67 органи и тоа 34 бубрези, 3 црни дроба, 9 срца и 20 коскени ткива.

„Трансплантацијата сама по себе спасува животи, но за да еден живот биде спасен треба да постојат семејства кои даруваат. Кога во најтешки разделби од блискиот се дарува, тоа е најмоќниот чин во човековото живеење. Човечка љубов која нема димензија. Го чествуваме овој ден со голема почит кон сите дарители и нивните семејства со едноставна порака: ‘Вие спасивте животи’“, рекоа д-р Мојсова-Мијовска и Даница Авсек, тим лидер на проектот на ЕУ „Поддршка на системот за трансплантација“.

Б. НЕСТОРОСКА Сдк Мк

spot_img
spot_img
ПОВРЗАНИ СТАТИИ

Најпопуларни

Повеќе постови

Штипјанец на куќата си направил мини ветерница, па сега комшиите се жалат бидеќи била бучна па неможеле да спијат навечер !!

Мини ветерница на покрив во Штип Ентузијаст од улицата „Димо Хаџи Димов“ во Штип на покривот од својата куќа си направил мини ветерница. Експериментот веројатно...

Џафери “упадна” во СВР Тетово, па ги искара вработените: Колку луѓе тука работите во оваа канцеларија ?!?!?!

Во улога на инспектор, техничкиот премиер, Талат Џафери беше во посета на СВР Тетово. Тој во една канцеларија затекна куп луѓе, а на прашање...

Сашко Коцев: Ајде сите пред МВР да играме оро и да не сликаат групно за пасош, исто како на свадба !!!

На „Златна бубамара“ се врати Сашко Коцев, откако лани не го водеше шоуто поради претходно договорени обврски. Коцев не беше официјален водител, туку неговите...

Пасоши ќе има за сите: Дочек на обрасците за пасоши на „Богородица“

Дочек на обрасците за пасоши на „Богородица“ Дополнителниот заменик министер за внатрешни работи Митко Бојмацалиев на Граничниот премин Богородица, синоќа ги пречека новите 140.000 обрасци...