Катерина Јовановска ќе ве инспирира веднаш да се упатите кон вашата кујна.
Битолчанката Катерина Јовановска е, основач на YouTube каналот за
готвење “Kate’s Cooking Diaries” кој постои од Јуни 2022год.
Катерина за Шило Магазин ни открива од каде идеата и љубовта токму за оваа професија.
Идеата за започнување со каналот беше на брат ми кој работи како видео
монтажер и постојано ме убедуаше дека се она што го приготвувам може
да го снимаме и објавуваме на YouTube.
Најпрво започнавме со објавување на солени и благи рецепти, а потоа
продолживме само со десерти со цел да се прилагодиме спрема тоа за
кое има поголем интерес.
Десертите пред се гледам да се брзи и лесни за подготовка бидејќи тие
пројавуваат најголем интерес и гледаност.
Состојките кои ги користам се едноставни и лесно достапни за секој да
може да ги приготви, а во самото видео е објаснета целата постапка чекор
по чекор. Исто така да напоменам дека сите видеа се со превод на 67
јазици.
Идеите за подготовка ми се од работи кои сум ги правела порано, дел се
од мајка ми и свекрва ми што правеле, па нешто сум додала и изменила
во истите. Морам да додадам дека најмногу уживам во правењето на
чизкејк кој ми е како препознатлив знак.
Најголеми дегустатори и критичари ми се семејството, пред се сопругот и
брат ми, а потоа и пријателите кои веднаш се тука штом пријавам нов
рецепт.
Исто така многу ми е битна поддршката која ја добивам пред се од
семејството, пријателите и колешките.
Рецептите што ги споделувам ги снимаме претежно за време на
викендите поради другите работни обврски, па потоа во текот на неделата
се работи на видео монтажата, додавање текст и преводи за видеото да е
спремно за објава. Ново видео има секоја сабота но во иднина планот е да
објавуваме барем по 2 видеа во неделата. Моментално каналот има
71000 претплатници и наша цел е да постигниме ниво на голем канал со
уште повеќе претплатници.
Претплатете се на мојот You Tube канал
https://www.youtube.com/@KatesCookingDiaries
и уживајте во рецептите ��
