„Фокус“ открива каде деновите ги минувала поранешната министерка, која неодамна се пожали дека условите во затворот се лоши.
При посетата на најголемиот затвор во земјава, „Идризово“, „Фокус“ ја посети и ќелијата каде поранешната министерка за внатрешни работи, Гордана Јанкулоска, ја издржуваше затворската казна, во женскиот дел од затворот.
Фросина ФАКОВА-СЕРАФИНОВИЌ
Најпознатата затвореничка од овој дел, неодамна го напушти затворот. Во нејзината соба е сместена друга затвореничка.
Собата каде што била сместена, на прв поглед изгледаше пристојно. Со нови прозорци, релативно нов под и удобно наместена.
Спроти нејзината соба е собата на поранешната специјална јавна обвинителка, Катица Јанева. Излезе на кратко од собата со насмевка на лицето. Внатре беше со цимерката и кратко само нѐ поздрави.
На 1 ноември, Јанкулоска по три години, излезе од затвор откако Апелацискиот суд во Скопје ја уважи нејзината молба за условен отпуст од натамошно издржување на затворската казна за случајот „Тенк“.
Извор: Фокус
