Точно девет месеци ниту трага и глас од исчезнатиот Самоил Костадиновски, внукот на споругата на лидерот на ОМ и поранешен министер за внатрешни Љубе Бошковски. Потрагата по него како што потврдуваат од МВР се уште трае, иако за овој случај беа уапсени две лица а едно е во бегство кои се поврзуваат со исчезнувањето на 26 – годишниот Самоил. Последната пат е виден во моментот кога влегува во автомобил со непознати лица во близина на Чешката амбасада на Водно.
Во септември обвинителството за двете лица поднесе обвинение, за грабнување за едниот и соизвршетелство за другиот.
„Намерата им била да го натераат оштетениот да плати претходно украдена наркотична дрога – хероин во количина од 4 килограми. Со возилото обвинетите го однеле оштетениот на непознато место спротивно на неговата волја.“
…извести тогаш обвинителството додавајќи дека сега обвинетите по грабнувањето на Самоил на 3ти март испраќале пораки до членови на семејството со барање за уплата на средства за наводно преземена, а неисплатена наркотична дрога. Во неговиот татко Љупчо Костадиновски беше пукано во јули а семејството тоа го поврзуваше со киднапирањето на Самоил. Тој неколку пати и преку медиумите се обидуваше да дознае нешто повеќе или евентуално да го пронајде својот исчезнат син, а нудеше и парична награда.
„Ми се чини дека е киднапиран и можеби во себе имал некоја сума на пари…“
Вториот обвинет во случајот како соучесник го обезбедил возилото со кое го носеле Самоил кое подоцна беше пронајдено опожарено во Драчево. Откако сега обвинетите беа уапсени десетина дена по киднапирањето, според информациите се бранеле со молчење, па се очекува повеќе информации околу тоа каде е Самоил Костадиновски да се добијат преку судската постапка.
