Жена загина откако вчера на саем во Белгија врз неа паднала елка висока 20 метри, јавија локалните медиуми.
Огромното дрво на божиќниот пазар во градот Однаарде, на околу 50 километри западно од Брисел, вчера вечерта не издржало силен налет на ветер, јави белгиската новинска агенција Белга.
<
Елката паднала врз три лица, од кои едното починало набргу во болница од тешки повреди. Остана нејасно дали огромната, празнично украсена елка била лошо обезбедена. Видеата покажаа дека дрвото драматично се ниша на ветрот пред да падне.
Локалните медиуми го цитираа градоначалникот на Оденаарде, Марник Де Меулеместер, кој изјавил дека обилните дождови и силните ветрови го урнале дрвото. Местото на несреќата е опколено, а надлежните вршат увид.
