Ветувам, ќе се греам само навечер. Штипјанец очајно моли за два кубика дрва…..
Работно неспособен штипјанец , очајно моли за само два кубика дрва. Вели дека досега се’ уште е без никакво греење .
Егзистенцијалната неизвесност за Ристов е максимална, а досега преживува благодарение на помош од манастирот „Света Троица“, црквата и како што вели хумани луѓе.
Ристов е со сериозно нарушено здравје, што од вродени болести што како последица на тешкиот живот, што состојбата дополнително му ја комплицира.
Од овие причини, тој и апелира преку ТВ Стар надевајќи се на итна помош од само два кубика дрва од кои ветува ќе се грее само навечер. Дење излегува и шета низ градот, зашто надвор му е потполо од дома.
Во меѓувреме, откако приказната на Ристов беше објавена на страницата на ТВ Стар, за само три часа, неколку кубици дрва, благодарение на хумани луѓе, се најдоа во неговиот двор.
„Пресреќен сум и срцето ми е исполнето со топлина како никогаш досега. Благодарам на сите што ми помогнаа и мислеа на мене. Благодарам на ТВ Стар“, изјави Јовица.
