Пишува Тоде Кабровски
Минатата недела на 26 мај 2024 година во организација на Македонскиот просвето-училишен одбор на Нов Јужен Велс со сите Македонски училишта во просториите на Македонската Катедрална црква ‘’Свети Кирил и Методиј’’ во Розбери,токму каде што му е местото во наши простории,која го носи и името на нашите апостоли.Одборот изразува голема благодарност до црковниот одбор и до отец Наум Деспотовски што секоја година му дозволува да ја одржуваат традиционално оваа Свечена Академија во чест на сесловенските просветители светите солунски браќа Кирил и Методиј.
Наставничката Славица Ристевска
Свечената Академија ја отвори наставничката Славица Ристевска ги поздрави гостите,а гости беа:Луција Џонс-претседател на федерацијата на етничките училишта во Нов Јужен Велс,директорот на саботните училишта на јазиците на заедниците Сана Зрејка,почесниот претседател на одборот господинот Тоде Кабровски,Радица Бојковска-Димитровска новинар,координатор на СБС македонска програма и господинот Оливер Димовски-уредник на списанието Шило.
Почесниот претседател г-н Тоде Кабровски трет од десно со Отец Наум Деспотовски , Радица Бојковска Димитровска и Оливер Димоски
Македонскиот просветно-училишен одбор на Нов Јужен Велс секоја година со сите македонски училишта традиционално ја одржува оваа свечена Академија во чест на нашите просветители и апостоли во Сиднеј и го исполнува својот завед,дека доследно го продолжува нивниот пат,и се стреми да го сочува јазикот на нашите идни поколенија во оваа далечна мултикултурна и демократска земја за да можат да ги учат словата на Кирил и Климент и јазикот на своите предци,и така да научат ,чии се,каде им се корените и матицата македонска.
Македонскиот просветно -училишен одбор на Нов Јужен Велс е продолжувач на Светиклиментовата просветителска мисија,а тоа се потврдува и со врачувањето на Свети Климентовата награда на одборот во далечната 1998 година од Министерстото за култура на Република Македонија.Одборот е носечко јадро на грижата за организиран систем на редовна и дополнителна настава на нашиот мајчин јазик во образовниот процес.Асоцијација која има незаменлива мисија ,и која 46 години е вистински столбовник на грижата околу тоа како да се изучува помасовно и како да се негува,чува и дочува мајчиниот јазик.
Учениците од сите македонски училишта настапија со рецитирање на стихотворби во чест на нашите учители и апостоли солунските браќа Свети Кирил и Методиј,Посебен акцент и белег на таа вечер прикажа ученичката Леона Петковска со стихотворбата Кирил иМетодиј.
На сите ученици,наставници и на гостите им беа доделени благодарници за негување и одржување на македонскиот јазик во Австралија.
На крајот од свеченоста наставничката Дијана Јовчевска им се обрати на присутните во име на претседателката Жаклина Михајлова и им го честита денешниот празник Денот на сесловенските просветители светите браќа на сите колеги,родители,гости и ученици
Наставничката Дијана Јовчевска
ЧЕСТИТ ПРАЗНИК!СИТЕ СМЕ ГОРДИ!
НЕКА СЕ ВЕЧНИ МАКЕДОНИЈА И АВСТРАЛИЈА!
