Вевчански карневал -дефиле. Повеќе солзи од маски
Без традиционалното василичарско оро, симболично одржан Вевчанскиот карневал. Жителите насолзени, само најмладите маскирани, многу посетители. 
Вака за првпат изгледа Вевчани за Василица. Улиците се полнат за дефилето со маски, но во тажна атмосфера. Сограѓаните тагуваат по Милан, синот на Крсто Муковски кој загина во трагична сообраќајна несреќа.
Присутните коментираат за прераната смрт на Милан Муковски, син на експратеникот Крсто Муковски. Организаторите се затекнати и се уште мислат што ќе прават, по последната трагедија. Ја нема вообичаената радост и смеа, кои ја носат василичарските маски.
