На 13-ти јануари во хотелот „Александар Палас“ во Скопје се одржа Европски Ромски бал во организација на партијата Роми обединети од Македонија (РОМ), на чие чело е Ерџан Селими.
Настанот поминал со многу музички гости помеѓу кои Таркан, Џамбо, Јужни ритам, Ферус Мустафов Јуниор, Тијана Ем и други, а се избрала и Мис Ромка.
Првиот човек на балот, Ерџан Селими се заблагодари на многубрјоните посетители на настанот, а го спомна и лидерот на ВМРО-ДПМНЕ, Христијан Мицкоски, кој бил помеѓу гостите, нарекувајќи го иден премиер на Македонија.
-Голема благодарност до претседателот на најголемата политичка партија во Македонија и иден премиер Проф. д-р Христијан Мицкоски за големата чест и присуство на ромскиот бал – порача Селими.
Упатувајќи јавна благодарница до сите кои допринеле да се одржи балот, тој истакна дека настанот бил гламурозен и имал за цел да испрати една поинаква порака, односно да ги прикаже Ромите во поинакво светло.
– Дозволете ми во мое лично име и во име на партијата РОМ да ве поздравам и да ви се заблагодарам за голема доверба и присуство на нашиот гламурозен настан „Европски Ромски бал 2024“, настан кој имаше за цел да испрати една поинаква порака, односно да ги прикаже Ромите во едно поинакво издание, како што нѐ секогаш се навикнати да не видат. Ромите се интегриран народ и се луѓе како и сите останати.
Исто така, би сакал да ја искористам оваа можност и лично уште еднаш да се заблагодарам на сите оние кои допринесоа овој Ромски бал 2024 да биде настан на годината- објави Серџан.
Инаку, на 18-ти јануари во Скопје ќе одржи уште еден Ромски бал, во организација на Габриел Бајрам и Сојузот на Роми. Тој бал е наречен Светски Ромски бал, и најавени се голем број на музички ѕвезди, помеѓу кои Цеца Ражњатовиќ, Теа Таировиќ, Џогани, Таркан, и други.
Вики Клинчарова Фокус
