Речиси десет продавници за брзи кредити и двојно повеќе казина и обложувалници само во центарот на Штип. Ваква е сликата во централното градско подрачје во моментот, но за жал оваа слика е иста и во останатите градови во Македонија.
Граѓаните на терен револтирани од она што е секојдневие. Пред камерите на М-Нет телевизија велат дека ова не е добро пред се заради децата, и близината на ваквите објекти до училиштата. Велат не треба да се затворат, но согласни се дека треба да се дислоцираат од ценатарот и близината на училиштата. Штипјани велат дека не само во центарот на градот, вака и во останатите населени места и приградските населби. Обложувалници и казина велат има на секој чекор.
„Многу, многу се, еве учениците ги земам од училиште, ќе залутат во некое казино. Не ттреба да ги има во центарот толку многу, треба да се дислоцираат. Тоа е пред се за доброто на децата“ – велат граѓаните.
Пред една година, Владата донесе одлука просториите за приредување на игри на среќа да бидат на одалеченост не помалку од 500 метри од основни и средни училишта. На ова реагираа и од Асоцијацијата на приредувачи на игри на среќа, додавајќи дека се става клуч на врата на гранка која вработува повеќе од 10 илјади граѓани.
