18.8 C
Ohrid
понеделник, јуни 9, 2025
ПочетнаМакедонијаДржавни патишта“ вработи 143 инкасанти за наплата на патарина

Државни патишта“ вработи 143 инкасанти за наплата на патарина

spot_imgspot_imgspot_imgspot_img
spot_img

Јавното претпријатие „Државни патишта“ на неопределено време вработи 143 инкасанти за наплата на патарина, по огласот што го објави пред крајот на минатата година.

<

Одлуката за избор на кандидатите со имиња и презимиња е објавена на веб-страницата на јавното претпријатие пред десетина дена. Од ЈПДП велат дека конечната ранг-листа е направена според претходно разгледување на доказите за задоволување на условите и направените интервјуа со кандидатите.

Станува збор главно за досегашни инкасанти на наплатните пунктови за патарина, кои со години „државни патишта“ ги плаќаше со привремени договори и so нивно продолжување.

Во меѓувреме бројот на инкасантите се зголеми со потребата од повеќе патарини на новите автопати Смоквица – Демир Капија и Миладиновци – Штип. Овие работници немаа решенија на неопределено време и трошоците за нивна исплата се водеа под посебна ставка во сметководството на јавното претпријатие.

На огласот за 143 вработувања, беше предвидено на неопределено време да се вработат 66 Македонци, 58 Албанци, деветмина Турци, петмина Роми, еден Влав, двајца Бошњаци и уште двајца од други националности.

Кандидатите што се бараа требаше да се со најмалку средно образование. Работното време е распоредено во две смени и трае 12 часа, од 7 до 19 часот и од 19 до 7 часот наредниот ден. Основната плата што ја нудеше ЈП за државни патишта во огласот изнесува 26.220 денари. Рокот за пријавување на кандидатите беше 15 дена.

Директорот Ејуп Рустеми, на презентацијата на резултатите што ги остварило ова државно претпријатие, се пофали дека ланската година требало да заврши со рекорден приход од 62 милиони евра од наплата на патна такса.

Поточно, годинава имаме 100 проценти зголемување на приходите од патарина за разлика од пред три години. Како споредба, во 2020 година од наплатени средства по основ на наплата на патарина остварен е вкупен приход во висина од 34 милиони евра, во 2021 година од над 46 милиони евра, во 2022 година износот е веќе над 53 милиони евра и оваа година ќе ја завршиме со 62 милиони евра“, рече тој.

А.К. Faktor Mk

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Мицкоски до Умс: Вие сте генерацијата што ќе ја движи Македонија напред

Денес имаме битки кои мораме сами да ги водиме, и победи кои мора заеднички да ги издвојуваме. 30 години политичарите во Македонија никогаш отворено...

Претседателката Давкова се сретна со Макрон.

Задоволство беше, во присуство на францускиот претседател Емануел Макрон да бидам дел од церемонијата за отворање на Декадата за криосферските науки кои ги проучуваат...

Инцидент во Охрид: 14 годишно момче со параглајдер удрило во канделабра при слетување.

Инцидентот бил пријавен вчера во 17.45 часот во СВР Охрид. Според пријавата, во близина на Полициската станица за безбедност на патниот сообраќај Охрид при...

За Македонците веќе и во Поградец е скапо

До пред некоја година македонските граѓани одеа во соседна Албанија на пазарување, затоа што економските околности тоа го дозволуваа. Сега ситуацијата се повеќе се...