Кандидатот за уште еден претседателски мандат во Белата куќа тврди дека неговата поддршка меѓу Афроамериканците пораснала поради неговите четири кривични случаи и за тоа вели дека е – дискриминација.
Трамп ги спореди своите правни проблеми со историското наследство на предрасудите кон Афроамериканците во правниот систем на САД, пренесе Скај њуз
Вчера на годишната церемонија на Црната конзервативна федерација изјави дека црнците го сакаат затоа што поминале низ истата дискриминација како него.
„Кога бев обвинет по втор, трет и четврти пат, многу луѓе велеа дека затоа ме сакаат црнците. Тие исто така беа многу повредени и дискриминирани во правосудниот систем. Ме гледаа како да сум дискриминиран“, Трамп кажа.
Поранешниот претседател се соочува со обвиненија поврзани со обид за поништување на резултатите од претседателските избори во 2020 година, чување доверливи документи на неговиот имот на Флорида и наводно договорено плаќање на порно актерка. Четвртиот случај вклучува наводи дека смислил криминален заговор за да го поништи неговиот тесен пораз во државата Џорџија на изборите во 2020 година.
