Коњановски побара Обвинителството да спроведе истрага за граѓаните што лажеле дека биле каснати од кучиња !!!

Градоначалникот на Општина Битола Тони Коњановски до Основното јавно обвинителство Битола поднесе иницијатива за отворање на постапка и спроведување на истрага во врска со пријавите за каснување од кучиња скитници кои се доставуваат до општината.
Со иницијативата, градоначалникот Коњановски бара ОЈО Битола да спроведе соодветна постапка врз основа на која ќе се направи целокупна и опсежна анализа, но, и истрага при што ќе бидат отстранети сите сомнежи кои постојат или ќе се утврди кривична одговорност против сите оние кои извршиле злоупотреба и го оштетиле општинскиот буџет, а се стекнале со материјална корист за себеси на сметка на буџетот.