Не го послужиле бидејќи носел влечки, штипјанецот Пашиов вели дека бил дискриминиран и не му било дозволено да се напие кафе во угостителски објект во централното градско подрачје во Штип. Тој заедно со неговите внуци од Германија отишле во кафичот, ама келнерот му кажал дека треба да го напушти местото бидејќи е во влечки. Се почувствував дискриминирано – вели тој бидејќи имаше и други гости во објектот кои носеа влечки.
„Келнерот дојде и кажа дека морам да го напуштам локалот, оти вели не сте соодветно облечени. Бев облечен во влечки, а моите влечки се сандали. А, видов пред мене во непосредна близина имаше луѓе кои беа во влечки. Се почувствуав дека сум дискриминиран.“ – вели Пашиов.
Останува нејасно за него која е вистинската причина поради која бил истеран од локалот во Штип. Боја на кожа, нација или вера – вели непознато е што било пресудно тој и неговите внуци да не можат да се напијат кафе. Сега бара сите надлежни институции да ја испитаат работата, и соодветно да реагираат.
„Вака трогателно бев навреден, и тоа бев навреден пред внуците кои дојдоа од Германија. Ова се однесуваше само за мене и моите внуци. Не знам дали се гледаше преку нација, преку вера не знам.“ – додава Пашиов.
Додава дека сите луѓе треба меѓусебно да се почитуваат без разлика на вера, нација или боја на кожа. Во спротивно се покажува дискриминација која е далеку од добра и прифатлива.
Видео Тука https://youtu.be/I9i1Pulc_2g?list=TLGGM4WZlQ9Us_wxMjA4MjAyNA
