Младата велешанка Теодора, која заедно со својата две-годишна ќерка заминала од домот на родителите на 16-ти септември, и по која се трагаше, вчера биле пронајдени во Струмица.
Веста за пронаоѓањето на мајката и ќерката ја потврдија од СВР Велес. Од таму информираат дека мајката и ќерката се во добра состојба.
Како потсетување, велешанката со ќерката живеела во домот на своите родители, од каде заминала по расправија со таткото. Истиот ден, тој пријавил во СВР Велес дека ќерка му заедно со внуката се оддалечила, а потоа и на социјалните мрежи се објави фотографија од неа, со апел дека се трага по неа.
