Некогаш еден од најпопуларните рапери на македонската музичка сцена, денеска фотограф, снимател и продуцент кој лебот го заработува далеку од дома Публиката го памети по хитовите „Знам дека си ти“, „Шест броја“ и „Фраер од пелени”, но и по ексцентричните видеозаписи. Никола Угриновски-Угро денеска има 52 години и е татко на две ќерки кои со својата мајка живеат во Скопје.
Пред повеќе од една деценија одлучи да замине на печалба крстосувајќи низ светот работно на брод, а сега во поткастот Red Cast конечно проговори што го натерало да сврти нов лист во животот. Бил во фаза на развод, а во тој период и неговата мајка била тешко болна.
„Изборот беше Идризово или Мајами. Ако направиш ѓурултии и завршиш во Идризово-тоа е тоа, тука приказната завршува. А, ако отидеш во Мајами, па има шанса да се расправаш со гости, но Идризово-јок!“, ја почнува Угро неговата приказна.
Во истото интервју раскажува дека не се кае за ништо во животот, но дека ако го имал овој памет на 20 години „би ја поседувал Македонија“
Видео ТУКА
