Американскиот претседател Џо Бајден денеска им ги преиначи казните на 37 од 40 федерални осуденици на смрт во доживотен затвор без можност за условно ослободување, во последните чекори пред да му ја предаде власта на новоизбраниот претседател Доналд Трамп на 20 јануари.
Потегот на Бајден ќе го загрози планот на Трамп за забрзување на егзекуциите. За разлика од извршните наредби, наследникот на претседателот не може да ги поништи одлуките за помилување. Трамп повторно ги започна федералните егзекуции, по речиси 20-годишна пауза, за време на неговиот прв мандат од 2017 до 2021 година.
Бајден, кој водеше кампања како противник на смртната казна, ги суспендираше федералните егзекуции кога ја презеде функцијата во јануари 2021 година.
Во последниве недели, тој се соочи со притисок од демократите, противниците на смртната казна и верските водачи како папата Франциско да ги ублажи смртните казни пред да замине од функцијата.
„Нека нема забуна: ги осудувам овие убијци, тагувам за жртвите на нивните одвратни дела и тагувам за сите семејства кои претрпеа незамислива и непоправлива загуба“, рече Бајден.
Но, водејќи се од мојата совест и моето искуство, јас сум повеќе убеден од кога било дека мораме да ја прекинеме употребата на смртната казна на федерално ниво. Постапувајќи со добра волја, не можам да застанам назад и да и дозволам на новата администрација да продолжи со егзекуциите.“, додаде Бајден.
