Затворениците во Македонија ќе бидат здравствено осигурани веднаш штом стапнат во затворскиот систем
Благодарение на тоа што досега пријавувањето за здравствено осигурување одземаше 1 месец, поради административни процедури, се калемеа големи долгови што мораше да ги плаќа Управата за извршување санкции.
💬Како установа плаќаме за здравствено осигурување за секое лице кое издржува затворска казна, но во системот евиденцијата доцни 1 месец и не се евидентира во истиот момент. Затоа, доколку во тој еден месец лицата имаат потреба од болничка интервенција, операција, преглед, во болниците се евидентирани како лица без здравствено осигурување и ние како установа сме должни да ја плаќаме целосната сума како за неосигурано лице, наместо само партиципација. Но, денеска ќе има состанок и ќе се договори од страна на директорот на Фондот за здравство и директорот на Управата за извршување на санции, како ова да се надмине и лицата што издржуваат казна затвор да имаат осигурување веднаш. Значи, во системот на ФЗОМ веднаш ќе биде евидентирано лицето и ќе се намалат трошоците, вели за „Слободен печат“ директорот на КПУ „Идризово“ Зоран Јовановски.
