Ако отидете на оваа клиника во Германија, ќе можете слободно да си зборувате на македонски јазик затоа што голем број од лекарите се Македонци. Станува збор за клиниката „Рон“ во германскиот град Бад Нојштат, во чија посета деновиве беше амбасадорот на Македонија во Германија, Илбер Села.
Од Амбасадата гордо објавија дека на оваа клиника работи висококвалификуван лекарски тим од македонски кардиолози, кардиохирурзи, неврохирурзи, психијатри, пулмолози, анестезиолози и друг медицински персонал предводен од д-р Горан Трајковски, кардиолог, шеф на амбулантното одделение.
Болницата е со капацитет од околу 800 кревети. Од Амбасадата упатија благодарност до македонските доктори кои изразиле интерес за соработка со матичната земја во областа на медицината. Во благодарницата од Амбасадата ги наведуваат сите лекари што работат во оваа клиника, па така на листата се најдоа д-р Горан Трајковски – кардиолог и директор во Центарот за медицинска нега во Бад Нојштат, д-р Емилија Јовановска Трајковска – психијатар и виш лекар во психосоматска клиника, д-р Томе Ристов – кардиолог и виш лекар на клиниката за кардиологија, д-р Лепосава Михајлоска – кардиолог и виш лекар на клиниката за кардиологија, д-р Ирена Кирова – невролог и виш лекар на клиниката за неврологија, д-р Гордана Трајчова Митреска – виш лекар на клиниката за анестезиологија, д-р Кирил Долдуров – кардиохирург и виш лекар на клиниката за кардиоваскуларни болести, д-р Даниел Арсовски – невролог и виш лекар на невролошката клиника, д-р Горан Ѓоргиев – невролог и специјалист по клиника за неврологија, д-р Натали Николоска – асистент-доктор на клиниката за неврологија, д-р Теа Михајлова – асистент-доктор, д-р Христина Рибарска – асистент-доктор на клиниката за анестезиологија и д-р Николина Димкова – асистент-доктор во психосоматска клиника.
Понатаму, на листата се најдоа и д-р Атанас Јанкуловски – кардиохирург, виш лекар на клиниката за кардиоваскуларни болести, д-р Ѓоко Кучиноски – кардиохирург, специјалист на клиниката за кардиоваскуларни болести, д-р Татјана Дејкоска – анестезиолог, специјалист на Клиниката за анестезиологија, д-р Марија Ломан – доктор во психосоматска клиника, д-р Маја Арсова – доктор во психосоматска клиника, д-р Анита Дукоска Иваноска – пулмолог, специјалист во Торакален центар во Минерштат и д-р Јоана Ристов – пулмолог, специјалист во Торакс центарот во Минерштат.
Листата содржи 20 лекари, врвни македонски специјалисти. Честитки за Германија!
Фото: Амбасада на Македонија во Германија
Текст Факултети.Мк
