Упатувам честитка до сите наши сакани жени, мајки, сопруги, тетки, баби по повод Меѓународниот ден на жената 8-ми Март.
Денешниов празник е само потсетување дека жените заслужуваат почит, љубов и внимание секој ден во годината. Тие се нашите хероини, силни суштества кои можат се, кои не се откажуваат и за кои нема пречки.
Ова е ден кога се слави моќната женска енергија која го движи Светов. Бог ги обдарил жените со интуиција и женственост. Доколку се користат правилно, невозможното станува возможно, а недофатното на дофат.
Убавината на жената не е во нејзиното лице, туку таа е рефлектирана во нејзината душа. Жената е грижата што ја дава и страста што ја покажува. Затоа драги припаднички на понежниот пол, бидете горди што сте мудри и силни. Бидете среќни што умеете да сакате и да сте сакани. Бидете радосни што во себе имате сила да го промените светот. Вие сте создадени да бидете сакани, а не сфатени. Со вас некогаш е тешко, но без вас не се може.
Постојат две сили во светот, мечот и пенкалото но постои и трета сила посилна од претходните две, силата на жената. Бидете ни здрави и живи, среќни и насмеани, а ние ќе се трудиме да ви го овозможиме тоа затоа што без вас ништо не е возможно.
