19.6 C
Ohrid
четврток, јуни 26, 2025
ПочетнаМакедонијаУапсен потписникот на проектот кој потврдил дека кочанската дискотека „Пулс“ ги исполнува...

Уапсен потписникот на проектот кој потврдил дека кочанската дискотека „Пулс“ ги исполнува сите услови за да добие лиценца

spot_imgspot_imgspot_imgspot_img
spot_img

Уапсен потписникот на проектот кој потврдил дека кочанската дискотека „Пулс“ ги исполнува сите услови за да добие лиценца
Алфа Редакцијамарт 18, 2025 4:05 pm

<

Уапсено е лицето кое потпишало проектот дека дискотеката „Пулс“ во Кочани, каде што во пожарот на 16 март загинаа 59 лица, ги исполнува сите услови за да добие лиценца за работа. Лицето се терети за тешки дела против општата сигурност, односно предизвикување општа опасност, потврди министерот за внатрешни работи Панче Тошковски.

„Последното уапсено лице е потписник на основен проект за издавање лиценца за кабаре, односно е одговорно за изготвување документи кои се користени во постапката за поставување на објектот во функција како кабаре. Беа изготвени паушални документи без претходно утврдување на фактичка состојба, а во документацијата потпишана од уапсеното лице стои дека објектот ги исполнува сите законски услови, што не е точно“, истакна Тошковски на денешната прес-конференција.

Министерот додаде дека дискотека не смее да функционира во зона на домување, но дека процесите за добивање лиценца биле олеснети и во голема мера оставени на совест на газдите.

„Во моментов, одредени се 48-часовни притвори за 14 лица, од кои 11 се осомничени за сторување на тешки дела против општата сигурност, а три за несовесно работење“, изјави Тошковски.

Дискотеката „Пулс“ работела без лиценца, немала излезни врати за евакуација, без противпожарни апарати, била обложена со лесно запаливи материјали и имала само еден влез и прозор со решетки. За концертот на групата ДНК биле продадени 250 билети, но во објектот имало околу 500 луѓе. Пожарот го предизвикале пиротехнички прскалки кои го запалиле таванот, по што огнот брзо се проширил и довел до урнат покрив.

Во притвор се и ексминистерот за економија Крешник Бектеши, службеници од Министерството, ексдиректорот на Државниот пазарен инспекторат, вработени од истиот инспекторат, сопственикот и организаторот на концертот на ДНК, членови на обезбедувањето и други. Актуелните функционери не се уапсени, а градоначалникот Љупчо Папазов по давање изјава пред обвинител, се врати дома.

Министерот за внатрешни работи изјави дека денеска се разрешени началниците од Штип и Кочани за да се обезбеди независна истрага, а на нивно место ќе бидат поставени началници од Скопје. Тој нагласи дека разрешувањето не се врши поради вина, туку за да се избегнат влијанија на процесот.

„Разрешувањето не значи дека ќе се преземат мерки, ако се појават нови докази. Одделот за внатрешна контрола на МВР продолжува со темелна истрага“, додаде Тошковски.

Сите 59 загинати во пожарот се идентификувани, а 196 лица се повредени, од кои 20 се деца. 80 лица се транспортирани за лекување во странство.

Резервоарот за нафта под дискотеката бил празен и не бил во контакт со објектот, а сопственичката структура не била поврзана со настанот.

Погребот на загинатите ќе се одржи на 20 март.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Одлична организација на “ОХРИД ОПЕН 2025” – Mеѓународен Таеквондо ИТФ натпревар по највисоки стандарди

Одлична организација на “ОХРИД ОПЕН 2025” – Mеѓународен Таеквондо ИТФ натпревар по највисоки стандарди. Викендов , 21 јуни 2025 во С.Р.Ц. “Билјанини Извори ” Македонската...

Сиљановска потпретседателот на САД наместо Џеј Ди Венс го нарече Диџеј Венс

Претседателката на државата Гордана Сиљановска-Давкова на НАТО самитот во Хаг се сретна со американскиот претседател Трамп. Заедно со министерот со надворешни работи Тимчо Муцунски...

60-годишен велосипедист е тешко повреден при судир со мотор во Охрид

Вчера околу 19.00 часот во СВР Охрид било пријавено дека на ул.„7 Ноември“ во Охрид се случила сообраќајна несреќа помеѓу мопед со охридски регистарски...

Вистинскиот АМГ ѕвер освоен на Премиум Лотарија, ќе се вози низ охридските улици !!!

Б.Б. од Охрид конечно пристигна во Видеолотарија Касинос Австрија. Тој е среќниот играч кој на 07.06.2025 ја освои најпосакуваната добивка, Премиум џекпотот и ќе...