29.9 C
Ohrid
четврток, јуни 26, 2025
ПочетнаМакедонијаБошковска: Младите од Кочани страдаат од панични напади и анксиозност

Бошковска: Младите од Кочани страдаат од панични напади и анксиозност

spot_imgspot_imgspot_imgspot_img
spot_img

Откако трагедијата во Кочани ги потресе локалните заедници, започна период на длабока тага и анксиозност меѓу учениците кои загубија блиски лица во пожарот во дискотеката „Пулс“.

<

Психологот Емилија Бошковска, член на тимот што работи со ученици од Штип, Кочани, Облешево, Виница и Пробиштип, истакна дека по трагичниот настан се забележуваат панични напади и емоции на лутина кај дел од младите.

„Ова е колективна траума, а секој поединец се справува со неа на свој начин. Не можам да кажам дека некој во овој регион не е погоден од настанот. Сите сме засегнати, но процесот на заздравување е индивидуален,“ изјави Бошковска, која истакна дека стандардите за тагување не важат за сите.

На терен работат околу 130 волонтерски психолози, од кои повеќе од 30 се ангажирани во Кочани. Сите волонтери поминаа обука за справување со кризни ситуации. Весна Јаневска, министерката за образование, го посети средното медицинско училиште „Јане Сандански“ во Штип, каде што во еден клас загинаа тројца ученици, а неколкумина беа повредени. Таа изјави дека психолозите активно помагаат на учениците во овој тешок период.

Министерството за образование исто така планира да се фокусира на психо-социјалната поддршка и на безбедносните стандарди во училиштата.

„Испративме писмо до општините и државните училишта да извршат дополнителни проверки на безбедносните системи и проценки на ризик од катастрофи. Треба да се увериме дека училиштата ги имаат сите потребни безбедносни елементи,“ нагласи Јаневска.

Во Штип е отворен Центар за младинско советување при Универзитетот, каде што учениците и граѓаните можат да добијат поддршка и насоки. Комората на психолози повика и други колеги да се вклучат во акцијата и да помогнат во справувањето со оваа колективна траума.

spot_imgspot_img
spot_img
spot_img
spot_imgspot_img
ПОВРЗАНИ СТАТИИ

Најпопуларни

Повеќе постови

Археолози открија автохтон натпис на сад при истражувања на локалитетот Градиште-Охрид.

При последните археолошки истражувања на локалитетот „Градиште“, во селото Младо Нагоричане, археолозите од НУ Музеј – Куманово открија две значајни наоди – најстар автохтон...

65 годишна жена од Австралија прегазена во Охрид.

На 25.06.2025 во 14.30 часот во СВР Охрид е пријавено дека на улицата „Абас Емин“ во Охрид, патничко возило „фолксваген голф“ со охридски регистарски...

Скопјанецот ја тепал својата 4 годишна ќерка бидејќи се качила на креветот за да ги земе играчките !!!

Јавен обвинител од Основното јавно обвинителство Скопје целосно ја заврши постапката, ги прибра сите докази и до Основниот суд во Скопје достави обвинение против...

Одлична организација на “ОХРИД ОПЕН 2025” – Mеѓународен Таеквондо ИТФ натпревар по највисоки стандарди

Одлична организација на “ОХРИД ОПЕН 2025” – Mеѓународен Таеквондо ИТФ натпревар по највисоки стандарди. Викендов , 21 јуни 2025 во С.Р.Ц. “Билјанини Извори ” Македонската...