Водителката Милена Антовска пред некој ден на социјалните мрежи откри дека е 8ми ден во изолација, но не откри дали е позитивна на болеста или е мерка на претпазливост. Сепак времето во изолација веројатно ја натера да размисли малку повеќе за животот и за сето на што се случува во светот.
Таа е активна на социјалните мрежи на кои редовно објавува фотографии од студио, како го поминува времето, од нејзината ќерка Лана – Марија, но овој пат се присети на својот колега и пријател Драган Вучиќ кој за жал го изгуби животот поради истата болест.
Имено, на својот Фејсбук, водителката ја сподели познатата емисија на Драган – „Возење со Вучиќ“ во кој гост беше токму таа.
„ Ова е една од емисиите каде што сум гостувала и најмногу сум се смеела… Се’ уште не сакам да поверувам дека Драган веќе не е меѓу нас. Секогаш ќе се сеќавам на нашето пријателство, прекрасен човек…“, напиша Милена покрај објавата.Потсетуваме, Драган Вучиќ го изгуби животот во мај претходната година како последици од болеста.
Вучиќ на јавноста и беше познат по бројни квизови и емисии меѓу кои се: „Вашите пет минути“, „Среќни луѓе“, „Возење со Вучиќ“ и последната „Гурмански муабети“.