Ова не е несреќа, ова е убиство“, „Коруптивниот систем ги уби нашите деца“, „Стоп за селективна правда“ се дел од пораките на транспарентите кои денеска на маршот ги носеа кочанчани. Семејствата носеа слики од загинатите млади луѓе.
Тие бараат правда за жртвите кои загинаа во пожарот во дискотеката Пулс на 16 март годинава. На 16 на лице место загинаа 59 луѓе, а вчера почина и Александар Карадаковски кој беше однесен на лекување во Литванија. Повредени беа над 200 луѓе. На концертот на ДНК, од пиротехника се запали плафонот и предизвика пожар.
Телото на Карадаковски ќе биде транспортирано во Македонија, а обдукцијата на телото ќе биде извршена во Судска медицина во Скопје, соопшти министерот на здравство.
Инаку, тој беше еден од 27-те осомничени физички лица во истрагата за пожарот што ја отвори Основното јавно обвинителство во Кочани, но постапката за него ќе биде прекината, информираа вчера од Јавното обвинителство.
