Алијанса за Албанците одржа состанок на 10 април годинава, на кој го разгледа случајот со Мухсин Арифи, претседател на Огранокот Сарај и директор на Геријатриската болница, осомничен за земање мито и донесе одлука, тој итно да биде исклучен од партијата.
– AА нема да толерира никаква злоупотреба, прекршување на законот или на Етичкиот кодекс на партијата. Владеењето со чисти раце не е само слоган, туку морална и политичка обврска за секој член на АА, бидејќи довербата на граѓаните се стекнува и се одржува само со посветеност, чесност и интегритет – соопштија од партијата.
Арифи и негувател од Геријатрија се во 30-дневен притвор, бидејќи се осомничени за примање 20 илјади евра „капар“ а крајната сума била 100.000 евра за да хоспитализираат неподвижна 42-годишна пациентка.
