На Велики Петок, точно напладне, охридскиот музичар Охриѓанецот Горан Андреески ја промовираше велигденската песна „Воскресение Христово Пасха“, неговата прва инструментална композиција, посветена на Христовото Воскресение, која е дел од неговиот проект „Желба“.
Преку инструменталната музичка композиција, во првиот дел со звукот на лирата се претставени Христовите страдања и Неговото погребение, доловувајќи ги моментите на Страсната Седмица. Потоа преку звукот на перкусиите и останатите инструменти започнува Воскресната радост со препознатливата мелодија Христос воскресе, вели Горан за Охрид Прес за неговото музичко дело- кое можете да го погледете Тука https://youtu.be/CMR9fvW25rE?si=l_xaF9BfrnUSVQrm
.
.
Во првиот дел на композицијата се среќаваме со Христовите Страдања и за таа цел испраќам благодарност до Бигорски манастир кои кога слушнаа дека работам ваков сериозен проект ми овозможија да добијам кадри од тие посебни служби од нивната архива за со цел да се долови секој момент, а потоа во вториот дел на композицијата веќе влегуваме во најголемата радост на Христовото воскресение.
Сакам исто така да искажам благодарност и до Дебарско Кичевска Епархија што ми овозможи со благослов да се снима во преубавата црква Пресвета Богородица Перивлепта Охрид со најстарите велелепни фрески на Балканот.
Со ова видео праќам една порака до сите, да имаат здравје, љубов, мир и секогаш да ја носат Божјата благодат со радост, впрочем и тоа ми беше целата замисла за оваа композиција, бидеќи и сами знаеме во какво време живееме.
Повеќе имаме тага од радост, а тоа е така затоа што сме далеку од Бога, па затоа еве ова видео нека биде порака до секој да се љубиме, да имаме мир и секогаш да го носиме Христос Бог во нашите срца.
Би сакал да ве поздравам сите со радосниот поздрав – Христос Воскресе-Навистина Воскресе и се надевам дека оваа мелодија ќе влезе во сечиј дом и ќе ја пренесе радоста на Христовото Воскресение, вели Горан За Супер радио и OhridPress.
