Општина Дебрца заедно со Јавното претпријатие за комунални дејности (ЈПКД) Дебрца аплицираа на Јавниот повик за доделување на средства за намалување на диспаритетите меѓу и во рамки на планските региони и зголемување на регионалната конкурентност за 2025 година, објавен од Министерството за локална самоуправа.
Со одлука на Владата, на Центарот за развој на Југозападниот плански регион му беа доделени средства во износ од 1.200.000 денари за набавка на опрема за чистење на канализациони системи, која ќе биде наменета за потребите на ЈПКД Дебрца – Белчишта.
Оваа набавка ќе придонесе за значително јакнење на капацитетите на ЈПКД Дебрца и унапредување на квалитетот на јавните услуги што се нудат на жителите на општината.
Општина Дебрца и ЈПКД-Дебрца продолжуваат активно да работат на унапредување на инфраструктурата и условите за живот на своите граѓани.
