Минатата недела на 25 мај 2025 година во организација на Македонскиот просвето-училишен одбор на Нов Јужен Велс со сите Македонски училишта во просториите на Македонската Катедрална црква ‘’Свети Кирил и Методиј’’ во Розбери,токму каде што му е местото во наши простории,која го носи и името на нашите апостоли.Одборот изразува голема благодарност до црковниот одбор и до отец Наум Деспотовски што секоја година му дозволува да ја одржуваат традиционално оваа Свечена Академија во чест на сесловенските просветители светите солунски браќа Кирил и Методиј.
Свечената Академија ја отвори професорката Жаклина Михајлова ги поздрави гостите,а гости беа: Отец Наум Деспотовски ,Луција Џонс-претседател на федерацијата на етничките училишта во Нов Јужен Велс,директорот на саботните училишта на јазиците на заедниците ,почесниот претседател на одборот господинот Тоде Кабровски и господинот Оливер Димовски-уредник на списанието Шило и советник во општината Џорџес Ривер.
За значењето на нашите апостоли и просветители браќата Свети Кирил и Методиј зборуваше претседателот на одборот Дијана Јовчевски.
Македонскиот просветно-училишен одбор на Нов Јужен Велс секоја година со сите македонски училишта традиционално ја одржува оваа свечена Академија во чест на нашите просветители и апостоли во Сиднеј и го исполнува својот завед,дека доследно го продолжува нивниот пат,и се стреми да го сочува јазикот на нашите идни поколенија во оваа
далечна мултикултурна и демократска земја за да можат да ги учат словата на Кирил и Климент и јазикот на своите предци,и така да научат ,чии се,каде им се корените и матицата македонска.
Македонскиот просветно -училишен одбор на Нов Јужен Велс е продолжувач на Светиклиментовата просветителска мисија,а тоа се потврдува и со врачувањето на Свети Климентовата награда на одборот во далечната 1998 година од Министерстото за култура на Република Македонија.Одборот е носечко јадро на грижата за организиран систем на редовна и дополнителна настава на нашиот мајчин јазик во образовниот процес.Асоцијација која има незаменлива мисија ,и која 47 години е вистински столбовник на грижата околу тоа како да се изучува помасовно и како да се негува,чува и дочува мајчиниот јазик.
Одборот,заветот,го исполни,браздата е изорана одамна,патот не само што е изоден,но и поплочен, и историјата е создадена,но сега им останува на следните генерации,просветители и ученици да го одржат пламенот на Светиклиментовото кандило каде и да се ,а тоа е заветот што го остави поранешниот долгогодишен претседател просветител,активист,а сега почесен претседател Тоде Кабровски,
Учениците од сите македонски училишта настапија со рецитирање на стихотворби во чест на нашите учители и апостоли солунските браќа Свети Кирил и Методиј,
На сите ученици,наставници и на гостите им беа доделени благодарници за негување и одржување на македонскиот јазик во Австралија.
На крајот од свеченоста претседателката Дијана Јовчевска кажа многу пофални зборови за поранешната претседателка Жаклина Михајлова која е и моторната сила на Одборот.
Автор Господин Тоде Кабровски.
