Oсомничени за убиството на Данка Илиќ (2), по која половина Европа трагаше десет дена, се Срѓан Јанковиќ од село Лука и Дејан Драгијевиќ од село Злот.
Јанковиќ е осомничен дека управувал службено возило ЈКП Водовод во моментот кога наводно удрил во двегодишното девојче, додека со него бил Драгијевиќ. За Курир зборува и братот на Дејан, Далибор кој е во шок.
– Брат ми од вчера е во полиција. Го извадија од дома, но ништо не знам, никој ништо не ни кажува! Се надевам и се молам на Бога да не стои зад ова. Чекаме информации – рече братот. Дејан и Срѓан се колеги и се истражуваат околностите под кои се случило се.
– Дејан не е женет, никогаш не правел големи проблеми, но се знае дека сака да пие. Никогаш не мислевме дека ќе биде способен за вакво нешто. Како што дознаваме, според соседите, Срѓан е разведен и долго време е вработен во Водовод.
-Се разведе пред околу една година, има син и снаа, а имаат и мало девојче. Има внука, не знам како можеше да му текне такво нешто, се надевам дека не е вистина – раскажува сосед од Лука. Курир вчера ексклузивно ги фотографираше осомничените со инспекторите во Бањско поле.
Инспекторите ги донеле на местото на злосторството, односно на местото каде најверојатно со својот автомобил ја прегазиле малата Данка. На сликите се гледа како им покажуваат на инспекторите од каде дошле, каде ја удирале, но и каде отишле со нејзиното тело – вели изворот.
