Градоначалникот на Охрид денес оствари срдечна средба со Н.Е. Михалис Рокас, амбасадор на Европската Унија.
На средбата разговаравме за повејќе значајни теми и области за Охрид. Фокус на нашиот разговор беше реализацијата на проектот „Ohrid Go“ кој е финансиран од Европската Унија, а се однесува на проекти кои се реализраат во склоп на поранешната касарна. Амбасадорот изрази поддршка за нашата работа во таа насока и честики за тоа што Општина Охрид е една од ретките општини кои просторот од поранешните касарни го оплемени со содржина.
Го запознав Амабасадорот со идните планови кои планираме да ги реализираме исто така во склоп на поранешната Касарна. Дополнително разговаравме и за евентуална поддршка на некои од тие проекти кои дополнително би го оплемениле овој простор како би добил еден урбан лик.
Амбасадорот позитивно го отцена спроведувањето на овој голем и значаен проект во чиј склоп е намалување на отпечатокот на CO2 со воведување на алтернативни средства на урбана мобилност, односно зелен урбан систем, за чија цел се набавени електирчни велосипеди и електирчни возила, со што населението и посетителите ќе може да ги користат за транспорт во стариот дел на градот. Диверзификација на локалната туристичка понуда преку воведување зелени рекреативни соджини адреналински парк и Pump Up патека, како и развој на локалната економија базирана на знаење преку формирање на Smart Ideas Hub како старт-ап центар.
Дополнително Амбасадорот изрази честитки за успешното финансико менаџирање на Општина Охрид во изминативе години и нагласи дека тоа ќе биде додадена вредност при аплицирањето на проекти за финанисирање од страна на ЕУ.
Исто така се разговараше и за развојот на туризмот, реализацијата на инфраструктурните проекти како локални така и државни. Стана збор и за актуелната тема поврзана со статусот на Охрид во УНЕСКО, за што беше изразена поддршка во напорите на Охрид во реализација на препораките.
