Дарко Јефремов, во јавноста попознат како Дарко Влогс – некогаш а богами и сега еден од најследените Македонци на Инстаграм и познат влогер од САД, во емотивно гостување кај Стефан Лазаров откри детали за еден од најмрачните периоди од својот живот.
Иако денес живее нова приказна, Дарко се потсети на својот прв брак со Американка која, според неговото сведоштво, била зависничка од кристал мет, насилна и манипулативна личност. Се запознале на брод каде тој работел, а таа била патничка. Поврзани преку социјалните мрежи, нивната љубов започнала интензивно, довела до венчавка во Македонија и негова преселба во САД.
„Од почетокот ништо не беше како што изгледаше. Таа лажеше, манипулираше, а со тек на време започна и физичкото насилство врз мене. Бев тепан од жена – но никој не сака да зборува за тоа, особено кога мажот е жртва“, раскажа Дарко во подкастот.
Тој откри и потресни детали за нејзиното потекло: нејзината мајка имала 12 деца, неколку од нив зависници уште од детство.
„Тоа не беше живот. Тоа беше хорор. Живеев со личност што ме уништуваше секој ден – ментално, емоционално и физички“, вели тој.
Дарко успеал да ја напушти таа токсична средина и денес зборува отворено за своето искуство, со надеж дека ќе охрабри и други мажи кои се соочуваат со семејно насилство – да не молчат. Целиот Поткаст може да го погледнете тука.
