САБОТАЖА НА ВОДОВОДНИОТ СИСТЕМ
Почитувани жители,
Екипите на ЈПКД Дебрца работеа на терен до 24:00 часот со единствена цел да се овозможи водоснабдување во Подмолје, кое остана без вода. За жал, и покрај вложениот труд, проблемот не успеавме да го решиме во текот на вчерашниот ден.
Уште од утринските часови денес (недела) во 05:00 часот започнавме со нови активности и направивме контрола на сите 42 шахти. При тоа откривме САБОТАЖА НА ШАХТАТА ВО ГОРЕНЦИ ПОКРАЈ АВТОПАТОТ КАЈ ХОТЕЛОТ ДИМИТРИЈЕ КАДЕ БЕШЕ ЗАТВОРЕН ГЛАВНИОТ ВЕНТИЛ ШТО ОДИ ОД СВ ЕРАЗМО ПРЕМА ТРЕБЕНИШТА А БЕШЕ ПРЕКИНАТ ВОДАТА ДА СТИГНУВА ДО ПРЕД ГОРЕНЦИ И ДА НЕ ВЛЕГУВА ВО РЕЗЕРВАРОТ ГОРЕНЦИ.
Со ова затворање на вентилот, бидејќи Горенци е највисоко село и се користи како преливна точка при полн систем, водата која пристигнуваше до Горенци не можеше да се прелива понатаму. Како резултат на тоа настанал дефектот БИДЕЈКИ ПРИТИСОКОТ ШТО ГО ПРАВИ ПУМПАТА ОД СВ ЕРАЗМО НЕМА ПРЕЛИВНА ТОЧКА ЗАРАДИ ЗАТВОРАЊЕ НА ВЕНТИЛОТ И Е ИЗБИЕНА ВО БЛАТОТО ВО ПОДМОЛЈЕ.
Апелираме до сите жители:
Не смее да се чепкаат вентилите (Шиберите) на главниот водовод кој се наоѓа покрај автопатот! Секое фаќање на сторител ќе биде најстрого санкционирано со кривична и парична одговорност.
Не е јасна намерата на сторителот, но е очигледно дека се работи за свесна саботажа со позадинска цел.
Ги известуваме жителите на Подмолје дека во најбрзо време ќе добијат вода. Како директор, лично се извинувам што останаа без вода околу 9 часа и уверувам дека ќе направиме сè за вакви ситуации да не се повторуваат.
Ви благодариме за трпението и разбирањето.
Стои во објавата на ЈПКД ДРБРЦА
