Несреќна 13 – ка. Барем вакви се верувањата за овој број. Но 13 – ти ноември освен слобода за Скопје пред 75 години, денеска донесе слобода и за бегалецот Никола Груевски. По две години судење за злоупотреби при изградбата на автопатите Кичево – Охрид и Миладиновци – Штип со кинески кредит, поранешниот премиер куртули. Делото за кое го гонеше СЈО во случајот „Траекторија“, застаре. Беше обвинет за примање награда за противзаконито влијание со предвидена затворска казна од една до три години.
Адвокатот кој го брани бегалецот Груевски, а судот го постави по службена должност, побара, а судот прифати дека случајот застарел поради истек на шест години од стореното дело, а при тоа немало правосилна пресуда. Сега дури и државата треба на Груевски да му ги плати трошоците за адвокати.
