Од Лекарската комора информираат дека до декември годинава бројот на поднесени барања од доктори на медицина за издавање на потврди за странство изнесува 163, а во изминативе 5 години бројот на вакви поднесени барања изнесува 794. Од комората информираат дека во последните пет години стручен испит положиле 1.820 доктори на медицина.
Од комората наведуваат дека не располагаат со прецизен податок за бројот на доктори кои заминале да живеат и работат во странство, а согласно со своите надлежности им издаваат потврда (good standing) на докторите дека се членови на Комората и оти против нив не се води постапка пред Судот на честа при комората.
Овие потврди, како што се потенцира, им се неопходни на докторите за едукација во странство, стручен или студиски престој во странство, обука и доусовршување, меѓународни проекти како и на оние кои заминуваат да живеат и работат надвор од државава.
