Филипинскиот претседател Родриго Дутерте денеска предупреди дека ќе им нареди на полицијата и војската да го убијат секој оној кој „предизвикува проблеми“ околу едномесечниот карантин чија цел е да го запре ширењето на коронавирусот во земјата.
-Ова нека ова биде предупредување за сите – слушајте ја владата затоа што во овој момент клучно е да имаме ред. Немојте да ги повредувате здравствените работници, лекарите, затоа што тоа е сериозно кривично дело – изјави Дутерте пред својата нација, наредувајќи им на војската и полицијата „ако некој создава проблеми и вашите животи се во опасност, стрелате го “.
Во своето обраќање Дутерте особено ги предупреди сите жители на Манила, кои протестираа затоа што не добиле храна и други резерви веќе две недели, откако започна карантинот.
Безбедносните сили и полицијата ги предупредиле жителите да се вратат во своите домови, но тие одбиле, по што според полицискиот извештај, полицијата го растурила протестот и уапсила 20 лица.
На Филипините досега од коронавирус починале 96 луѓе, а 2.311 се заразени.
