Денеска, околу 15:00 часот се случило сообраќајна незгода во скопската населба Автокоманда, спроти бензинската станица. Имено, во сообраќајката учествувало возило Ауди кое што веројатно поради неприлагодена брзина излетало од патот и удрило во жардињерите.
Од лице место можат да се забележат огромни оштетувања на автомобилот. Оваа сообраќајна несреќа предизвика страв, паника и револт кај возачите бидејќи додека траеше увидот се создаде колона од неколку стотици метри која доведе до буквален застој во сообраќајот.
За драмата да биде уште понезгодна, на само неколку метри подолу е забележана друга сообраќајна несреќа која што дополнително им го отежна сообраќајот на возачите кои испаничени брзаа кон своите домови бидејќи започнуваше полицискиот час.
